Главная » 2011 » Июнь » 12 » Китоблар ёндирилди, лекин, кўрган кўзларни ўйиб олишни, эшитган доду фарёдларни унутишни ва ниҳоят, интернетни йўқ қилишнинг иложи борми? 18
23:29:13 Китоблар ёндирилди, лекин, кўрган кўзларни ўйиб олишни, эшитган доду фарёдларни унутишни ва ниҳоят, интернетни йўқ қилишнинг иложи борми? 18 |
Китоблар ёндирилди, лекин, кўрган кўзларни ўйиб олишни, эшитган доду фарёдларни унутишни ва ниҳоят, интернетни йўқ қилишнинг иложи борми? 18.05.2011 й.
Бугун 18 майда Мелис Мирзакматов бошчилигида Ўш шахар мэриясининг навбатдаги найранги, яъни кўзбўямачилик бўлиб ўтибди. Тахминан соат 16-00 лар чамасида Ўш вилоят судидан чиққанимда бир аёл тўхтатиб (исмини ошкор қилмаслигимни сўраниб), қуйидагини маълум қилди:
Эрталаб сот 9-00 дан бошлаб, маҳалла комитети бошлиқлари ўзбекларни мэрия олдига йиғилишга чақирибди. Июнь ойи воқеларидан жабрланганларга, ҳамда тинчлик учун йиғин бўлади, деб ишонтиришибди. Қисқаси, соат 11-00 га 300 чамасидаги ўзбеклар мэрия майдонига тўпланишибди.
Мэр М.Мирзакматов сўзга чиқиб, дўстлик ҳамда тинчлик борасида оғиз кўпиртирибди. Июнь воқеасини олдиндан сезиб, жой жойларда йиғинлар ўтказгани, правокацияга берилманглар деб, огоҳлантирганларини мақтаниб, иккита 03.05.2010 йил ва 17.05.2010 йил Амир Темир шаҳарчасида олинган видеодискни қўйиб берибди. Дискда Даврон Собиров, Карамат Абдуллаева, Дилшод Моминов, Салахудинов Жалалитдин, яна бошқа, ҳозирги кунда Мелис уларни жиноятчиларга айлантирган ва қочоқ бўлиб қолишган, доимий лаганбардорлар кўринибди. Шундан кейин, дунё бўйлаб шов-шувларга сабабчи бўлаётган "Шаколлар” тўғрисидаги китобларга тўхталибди. Ва, бу китоблар қирғиз ва ўзбекларнинг душманлари томонидан чиқарилгани ҳамда ҳалқаро комиссиянинг отчети ҳам душманлик, дўстлигимизни бузиш, деб, оғиз кўпиртирибди. Уни бир нечта лаганбардор, қўрқоқ шоколдан фарқи йўқ ўзбеклар ҳамда Республика миллатлари Ассамблеясининг Ўш вилояти бўйича вакили ҳисобланган иккиюзлама Пўлат Собировлар қўллашибди. Шундан кейин, бир нечта китобларни олиб чиқишиб, ўзбекларга ёндиртириб, видеосъемкалар қилишибди. Яна "бу йиғилишимизни интернетга чиқариб, бутун дунёга кўрсатамиз” деб, Мелис мақтаниб ҳам қўйибди (бир қанча журналистларни тўплаб ҳам қўйган экан). Шу билан 1 соат чамасида бўлиб ўтган йиғин ниҳоясига етибди. Бугунги найранг, юзсизларча қилинган лўттивозликдан бошқа нарса эмас.
Бу ишларга менинг шаҳсий комментариямни, яъни мулоҳазамни ўқинг!
Авваламбор баъзи бир тарихий воқеаларни билдириб кетмоқчиман; 1940 йили фашист Адольф Гитлер ва Иосиф Сталин иккови, 20 йил бир-бирларига уруш очмаслик тўғрисидаги "пакт о ненападении” ҳужжатига қўл қўйишган. Аммо бир йил ҳам ўтмай, 22.06.1941 йили тонг соат 4-00 да Гитлер қўққисдан ҳойинларча уруш бошлаган. Сталин аввал ишонмаган, кейин ўзига келгунча, фашистлар Москва остонасига келиб қолишган. Фашистларнинг мақсади "рус ва уларга эргашганларни қириб озайтирамиз, қолганларини қул қилиб ишлатиб ўлдирамиз”- бўлган. Одамлар отилган, осилган, куйдирилган, аммо, қўй сўйгандай сўйилмаган. Ёш, чиройли аёллар зўрланган, аммо, кичкина қизчалар ва қари кампирлар зўрланмаган. Босиб олинган ерларда, коммунистик идеологиясида қаттиқ туриб, фашистларга бош эгмаганлар, қаршилик кўрсатганлар қамалган, шафқатсиз уриб қийналган, азобланган, аммо, тинч турганлар қамалмаган.
Мана энди мулоҳаза қилинг! Юқоридаги эсга олинган Амир Темир шаҳарчасидаги учрашув, 1940 йилдаги Гитлер ва Сталин келишимига ўхшайдими? Ўша Мелис учрашув ўтказган 2010 йилнинг май ойларида, қирғиз ва ўзбек урушининг бўлиши ҳақида аниқ гаплар чиқиб қолган эди. Мен бу ҳақида 2009 йилнинг бошларидан бир неча марта Президентга ёзганман. Ўш шаҳар милиция бошлиғига, ХБК Сулайман тоо милиция бўлими бошлиғига ва яна кўпларига мурожаат қилганман. Миллатчиликдан қаттиқ калтак еганларни кўрсатганман. Аммо, МВД министри ўринбосари генерал Расулберди Раимбердиев менга дағдаға қилиб "У нас ситуация под контролем, вы не поникуйте, а то возбудим уголовное дело и арестую вас” деб, мени қўрқитишга ҳам ҳаракат қилган. Мелисга ўхшаганлар эса, яъни уруш бўлишини аниқ билганлар, ўзбекларни ғафлатда қолдириш учун Амир Темир шаҳарчасидагига ўхшаган учрашувлар ўтказишиб, ўзбекларни алдаб, чалғитиб туришган. Юқоридаги лаганбардор ўзбеклар эса, алдовчиларни қўллаб туришган. "Кўзларингни очиш, 1990 йилдаги сўйилишинг яқин қолди” деб, дод деворган кунларим бўлган. Гувоҳлар бор, ўлишган йўқ.
Қисқаси, 1940 йилдан бошлаб 1945 йилдаги ғалаба кунига қадар воқеаларни бир ўрганиб кўринг ва 2009 йилдан бошлаб шу кунгача бўлаётган воқеаларга солиштиринг! У фашизмдан, бу фашизмнинг фарқи бормикин? Бор албатта, фарқ, одамни қўй сўйгандек сўйишда, кичкина қизчалар ва кампирларни зўрлашда. Аммо, Гитлерчи фашистлар бундай ишларни қилмаган, шундай бўлса ҳам, қилмишига яраша хор бўлишган.
Қирғизистонда, Инсониятга қарши жиноят, терроризм ва геноцид содир этилди. Буни, ҳеч ким, яъни ақли ва юридик илми бор одам, инкор қилолмайди. 1990 йили "қирғиз ва ўзбек, яъни миллатлараро уруш” бўлди деб, ўхшатишган. Бу сафар эса, Ўш шаҳар мэри М.Мирзакматов бошчилигида, ўзбекларга қарши очиқдан – очиқ, давлат қуролли кучларининг уруши бўлди. Давлат бошига янгидан келган вақтинчалик ҳукумат ожизлик қилди, Мелисга кучи етмади. У эса, вақтинчалик ҳукуматга очиқ бош эгмади, ўзбилармонлик қилди ва қилиб келмоқда. Оддий ҳалқ эса, яъни, қирғизлар ва ўзбеклар дўстона яшаб келган, яшашмоқда ҳам.
Ўш шаҳрининг жиноятчи бошлиқлари, ҳеч бўлмаганда лоқайдсизлиги ва ўзбилармонлиги учун, жиноий жавобгарликка тортилишлари ва жазоларини олишлари керак. Қонун ҳамма учун баробардир.
Жиноятчилар ўз жазоларини олмагунларича, мен тинч ўтиролмайман, ухлолмайман. Ёки мени отиб ўлдириб қутилишади ёки мен уларни жиноятчилар сифатида судда тургизиб, кейин тинчийман. Аллоху Акбар.
Эй инсонлар! Жиноятчи, лаганбардор, мунофиқларга эргашманг! Инсоний ғурурингизни сақланг!
Инсон ҳуқуқлари ҳимояси маркази "Адолатлик ва ҳақийқат”
Ўш шаҳри (+996) 543 818 056. бошлиқ Гапиров Равшан Бердишевич / / 18.05.2011 йил.
ravshanosh@mail.ru ravshan1955@gmail.com www.gapirov.ucoz.com
|
|
Просмотров: 956 |
Добавил: Gapirov
| Рейтинг: 2.0/1 |
|