Приветствую Вас Гость | RSS

Республика Кыргызстан, г.Ош

Правозащитный центр "ПРАВОСУДИЕ-ИСТИНА"

Четверг, 2024-03-28, 18:07:19
Главная » 2011 » Август » 25 » Илон тухумлари очилмоқда.
05:21:44
Илон тухумлари очилмоқда.

    Боши янчилган илонни тирилтирса бўлар экан, бу кимга керак?         24.08.2011 й.  

  Нега илонни эслаб қолдим? Чунки, илон ҳаттоки одамни шундай авраб қўяр эканки, одамзод илонга мафтун бўлиб, ўрнидан қимирламай қолар экан. Илонни боши янчилмагунча, ўлмайди деб эшитар эдим. Мен Қирғизистондаги "Ўзбеклар миллий маркази”ни худди илонга ўхшатдим. Бундай миллатчи ташкилотлар мусулмонларга зиён етказиш учун уюштирилганини, марказ ташкил топганданоқ айтиб келганман. Уларга қарши кўп харакатлар қилдим, аммо, тушунмаган оми ҳалқ, худди илон авраб қўйганидек уларга эрчиди. Натийжада, бу бир тўп миллатчилар 2010 йилнинг июнь ойи урушини ўзбеклар зиммасига юклатиб, бутун ўзбек ҳалқини нажасга ботиришиб ўзлари қочиб қолишди. Мен бу ишдан хурсанд бўлиб, ўз вақтида миллатчи илонларнинг боши янчилди деб ўйлаган эдим. Чунки, мусулмонларни тиллари билан миллатларга бўлиш, бундан ҳам оғир оқибатларга олиб келиши мумкин эди. Аммо, хозирги кунда ўлган илонлар яна тирила бошлашди ёки ўлган илонларнинг қолдиқ туҳумлари очила бошлади. Мана энди 2011 йил 23 августидаги менинг кўрганларимни ўқинг!

  2010 йил июнь уруши вақтида бир қанча қирғизларни ва ўзбекларни ўлимдан қутқарган (икки тарафдан ҳам аниқ гувоҳлар бор), кейин эса ноҳақ, туҳмат билан қамалиб, кўз кўриб қулоқ эшитмаган қийноқларга солинган, озор чекиб турмада ўтирган, Қорасув районининг Наримон қишлоғи Бангилик кўчаси №16 уйида яшаган Хайдаров Дилмуроднинг судига қатнашиб, чарчаб қайтдим. Йўлда эса, менинг ёзган ҳақийқатларимни ўқиб ва олиб юргани учун, милиция тарафидан қўрқитилиб, 20 августда 3 000 сом пулини олдирган, газета киоскида сотувчи бўлиб ишлаган Саттарова Матлюбахон билан учрашиб, унинг дарду ноласини эшитдим.

  Йўлларда яна бир қанча одамлар билан учрашиб, одамлардан ҳаммага маълум бўлган уста лаганбардор Бахтиёр Фаттаховнинг Наримон қишлоғидаги Зарбдор бўлимидаги чойхонада ифторлик бераябди деб эшитиб қолдим. Мен у жойга борганимда ифторлик тугаб, бир оқсоқол узундан узун дуо қилаётган экан. Б.Фаттахов билан биргаликда ЖК депутати, А/О "Келечек”(бозор) нинг ген. директори Кубаничбек Туманов ҳам бор экан. Ҳолат ва дуога қараганда, ифторни Б.Фаттахов ва К.Туманов уюштирибди. Дуодан олдин Б.Фаттаховнинг Республика ўзбек миллий марказига бошлиқ қилиб тайинлангани эълон қилинибди. Ё Аллоҳ, ўлган илонларнинг туҳумлари очилибди-ку, ўзбеклар бошига яна балолар борми. Уларни қайси ўзбеклар ва қачон сайлашибди? Парвардигоро, Ўзинг уларга кифоя бўл. Аллоҳу Акбар.

 Бу лўттибозларни ким сайлабди деб сўрасам, бир одам айтиб берди. Б.Фаттаховни олдинги миллатчи илонлардан ўлмай қолганлари бошлиқ қилиб сайлашибди. Б.Фаттаов эса, ифтор берган мурувватли одам бўлиб, асосий мақсади "Эй ўзбеклар, мен сизларга бошлиқман” деб, эълон қилгани келибди. Энди, яна ўзбеклар номидан лўттибозлик бошланади. Майли, бу ҳаромҳўрлар ўзларини ўзлари сайлаб юраберишсин.

   Аммо, бир ифторлик учун, ўз нафслари фойдасига, виждонларини сотган ва дуо қилиб, сизни бошлиқлигингизни қабул қилдик деган, оқсоқол – кўксоқолларга нима деймиз? Бу оқсоқоллар намоз ўқишади, рўза тутишади, кўпчилиги хожилар, хар куни Аллоҳни тилга олишади. Лекин, Аллоҳ олдида миллатчилар ва уларни қўллаганлар гуноҳкорлар эканлигини билишмайдими? Нима, оҳир замон келдими? Ёки, бу ўзбек ва қирғиз миллатчиларининг касофатига бутун Қирғизистон ҳалқи, асосан мусулмонлар азоб чекиб туришганини билишмайдими? Ўша қишлоқнинг ўзидан қанчадан-қанча бегуноҳ одамлар азоб чекиб турмаларда ўтиришганини эшитишмаябдими? Фарзандларининг доғида ўлиб кетган ота – оналарни кўмишмадими? Ва яна қатор саволлар борки, уларга жавоб йўқ. Мусулмонларнинг ҳуқуқларини ким ҳимоя қилади ёки бир вақтли овқатга иймонларини сотиб, хеч нарса кўрмаган ва эшитмаган бўлиб юришаверадими? Ҳақийқатни ким айтади, ҳақийқат учун ким курашади?

 "Кимки, бу дунёда кўр – гумроҳ экан, бас, у оҳиратда ҳам кўр ва бутунлай йўлдан озгувчидир”. (Ал – Исро 17:72).

 Уларнинг найрангини ўзимдан эшита қолинг! Президент сайлови яқинлашмоқда, сохта сиёсатчиларга яна овоз керак. Энди, улар бирининг орқасидан бири келишаверишади. Осмондаги юлдузни олиб қўйнингизга ҳам солиб қўйишади, фақат сўз билан, амалда эса, бугун оғзингиздан берган овқатларини, эртага кекирдагингиздан суғуриб олишади. Бундай ишларда, Б.Фаттаховга ўхшаганлар жуда қўл келишади. Шунинг учун, ўлдирилган илонларнинг туҳумларини инкубатор қилиб очиб чиқаришмоқда.

 Мен эса сизларга бир таклиф киритаман ва мени қўллайсиз деб умид қиламан ! Бизнинг мамлакатимизга миллатчиларнинг кераги йўқ. Биз ўзбеклар ва қирғизлар бир миллат, яъни мусулмонлармиз. Аллоҳнинг суйган бандаларимиз. Шунинг учун, президентликка кандидатлар олдига ҳаммамиз учун керак бўлган шартларни ўртага қўйгани одам бўлиши зарур. Аммо шартни ким қўяди? Йўқ бўлса, шартни мана мен қўяман. Ким шартларни қабул қилиб, видео камера, гувоҳлар олдида ваъда берса, ўшани президентликка сайлаймиз ва унга итоат қиламиз. Акс ҳолда, сайловга чиқмаймиз. Сайловни ўзлари ўтказиб кўришсинчи. Биз уларни тамошосини бир кўрайлик.

 Правозащитный центр «Правосудие – Истина» г.Ош

 моб: (+996) 543 818 056.              Гапиров Равшан Бердишевич /                                         / 24.08.2011 год.

 ravshanosh@mail.ru   ravshan1955@gmail.com    www.gapirov.ucoz.com
Просмотров: 906 | Добавил: Gapirov | Рейтинг: 0.0/0
Всего комментариев: 0
Имя *:
Email *:
Код *: